МУБИС-Боловсрол Судлалын Сургуулийн Хөтөлбөрийн албанаас “Электрон тамхины сөрөг нөлөө” сэдэвт  шилдэг постер бүтээх уралдааныг зарлалаа.

Энэхүү уралдааны зорилго нь оюутнуудад электрон тамхины хор уршиг, сөрөг нөлөөний талаар сурталчлан таниулах, түүний хэрэглээнээс татгалзахад нөлөөлөх бөгөөд БоСС-ийн I-V түвшний оюутнууд оролцох боломжтой юм.

Бүтээлд тавигдах шаардлага:

-Постер 18х24 хэмжээтэй байх       -Тэмцээнд багаар оролцох ба нэг бүтээл илгээх

- Багийн гишүүдийн тоо 3 байх       -МУБИС-ийн логотой байх 

-Постер зохиогчийн эрхийн зөрчилгүй, хэн нэгний бүтээлийг хуулбарлаагүй байх

-Постерийг илэрхийлж буй санаа, тайлбарын хамт илгээх

Шалгуур үзүүлэлт:

-Бүтээлийн утга агуулга, өгүүлэмж       

-Бүтээлийн шинэлэг тал, бүтээлч байдал

-Зургийн чанар, нягтаршил сайн байх

1-р шат: МУБИС-ийн цахим хуудсанд байрлуулан олон нийтэд түгээж, хамгийн сайн 8 постерийг шалгаруулна.

2-р шат: Шүүгчдийн бүрэлдэхүүн хамгийн сайн 8 постероос, шалгуур үзүүлэлтээр шилдэг 3 постерийг шалгаруулна.

Шагналын сан: Шилдэг 3 бүтээлийн байр эзлүүлж, мөнгөн шагнал, өргөмжлөлөөр урамшуулна.

1-р байр: 350,000 төгрөг, өргөмжлөл

2-р байр: 250,000 төгрөг, өргөмжлөл

3-р байр: 150,000 төгрөг, өргөмжлөл

Бүтээл хүлээн авах хугацаа: 2023 оны 12-р сарын 04 хүртэл

Нэгдүгээр шатны хугацаа: 2023 оны 12-р сарын 11 хүртэл

Хоёрдугаар шатны хугацаа: 2023 оны 12-р сарын 15 хүртэл

Бүтээл хүлээн авах хаяг: gunbiligt@msue.edu.mn