Манай тэнхим нь БНМАУ-ын СнЗ-ийн 178 тоот тогтоолоор 1951 онд Улсын Багшийн институтийг байгуулахад дээд боловсролтой багш бэлтгэх “Сурган Хүмүүжүүлэх Ухааны Тэнхим” нэртэйгээр анх үүссэн. Түүнээс хойш бүх мэргэжлийн багшийн ангиудад СХУ, боловсрол судлалын хичээлүүдийг тасралтгүй 74 жил зохион байгуулж, МУ-ын бүх шатны сургуулийг багшлах боловсон хүчнээр хангах, мэргэжлийн хөгжлийг хангах, салбарын сургалт, судалгааны ажлын чанар үр дүнг дээшлүүлэхэд зохих хувь нэмрээ оруулж буй ууган тэнхмүүдийн нэг юм.
Тэнхимийн эрхэм зорилго: МУБИС-ийн бакалавр, магистр, докторын хөтөлбөрөөр суралцаж буй оюутнууд, боловсролын байгууллагын болон хамтран ажиллагч төрийн, төрийн бус байгууллагын ажилтнуудад мэргэжлийн чанартай, хүртээмжтэй үйлчилгээг үзүүлэхэд оршино.
2023-2024 оны хичээлийн жилд тус тэнхим 10 үндсэн багш, 2 зөвлөх профессор, 3 цалинтай гэрээт багштайгаар 1600 гаруй багш мэргэжлээр, 100 гаруй боловсрол судлалын мэргэжлээр суралцаж буй бакалаврын оюутнууд, 26 магистрант, 30 гаруй докторантад сургалтын хөтөлбөрөө хэрэгжүүлж байна. Боловсрол судлал мэргэжил эзэмшсэн оюутнууд нийслэл, аймаг, дүүргийн боловсролын газар, төрийн болон төрийн бус байгууллагад сургалт хариуцсан мэргэжилтэн, боловсролын мэргэжлийн байгууллагад судлаач, эрдэм шинжилгээний ажилтан, арга зүйч зэрэг ажлын байранд ажиллаж байна.
