2023-2024 оны хичээлийн жилийн өвлийн улирлын “Багшлах мэргэжил”-ийн сертификат олгох нэмэлт сургалтын төгсөгчид Сертификатаа гардан авлаа. Та бүхний цаашдын ажил үйлсэд өндөр амжилт хүсэн ерөөе.

Энэ удаагийн төлөвлөгөөт сургалтад МУБИС, ХААИС, Сити их сургууль, Эм зүйн шинжлэх ухааны сургууль зэрэг байгууллагын нийт 32 суралцагч хамрагдсан юм.

"Багшлах мэргэжил”-ийн сертификат олгох 45 хоногийн сургалтад гадаад дотоодын их, дээд сургуулийг багш бус мэргэжлээр төгссөн, цаашид Их дээд сургууль, МСҮТ, коллежид багшлах хүсэлтэй магистраас дээш зэрэгтэй хүн болон одоо ажиллаж буй хүмүүс хамрагдах боломжтой.

Уг сургалт нь жилд 2 удаа буюу намар, хаврын улиралд төлөвлөгөөт байдлаар зохион байгуулагддаг ч нийгмийн эрэлт хэрэгцээнд тулгуурлан өвлийн улиралд, оюутны амралтын хугацаанд нэмэлтээр зохион байгуулснаараа энэ удаагийн сургалт онцлогтой байлаа.