Алсын хараа 2050, МУБИС-ийн Хөгжлийн бодлоготой уялдуулан Боловсрол судлалын сургуулиас “Хамтын ажиллагаа, Түншлэл” төгсөгчдийн анхдугаар форумыг 11 сарын 27-ны өдрийн 14:00 цагт МУБИС-ийн Төв номын санд зохион байгуулах гэж байна. 

Уг форумын зорилго нь сургууль, суралцагч, төгсөгч эргэх холбоотой ажиллахад хамтын ажиллагааны түншлэлд суурилсан төгсөгчийн оролцоог хангах, санал санаачилгыг дэмжих таатай орчин бүрдүүлэхэд чиглэсэн бөгөөд сургуулийн удирдлагууд, багш нар болон төгсөгчдийн төлөөлөл оролцох юм.

Форумын үеэр:

• “Хөдөлмөрийн зах зээл, мэргэжилтний эрэлт, төгсөгчдийн ажил эрхлэлт, тулгамдсан асуудлыг шийдвэрлэхэд төгсөгчдийн оролцоо, боломж”,
• “Сургууль, төгсөгчдийн хамтын ажиллагаа түншлэл, хөтөлбөрийг сайжруулах, сургуулийг хөгжүүлэхэд бидний оролцоо”,
• "Сургууль, төгсөгчдийн хамтын ажиллагаа түншлэлийг өргөжүүлэх боломж, арга зам"

сэдвийн хүрээнд хэлэлцүүлэг зохион байгуулах бөгөөд төгсөгчдийн төлөөлөл оролцон мэргэжлээрээ сурч, ажиллах боломж болон өөрсдийн туршлагаа хуваалцах юм.